సహజ మార్గ ప్రార్థనలోని 3 వ వాక్యం:
ఆ దశకు జేర్చు ఏకైక స్వామి, శక్తి
సహజ మార్గ ప్రార్థనలోని 3 వ వాక్యం ఇలా ఉండి: "మమ్ము ఆ దశకు జేర్చు ఏకైక స్వామివీ, శక్తివీ నీవే."
"Thou art the Only God and Power to bring us up to that stage."
మొదటి వాక్యం మన జీవిత యదార్థ లక్ష్యాన్ని మన ముందుంచుతున్నది.
రెండవ వాక్యం ఆ లక్ష్యాన్ని చేరుకోవడానికి ఉండే అవరోధాలేమిటో గుర్తిస్తున్నది. ఉన్న వాస్తవాన్ని ఆ మాస్టరుకు విన్నవించుకోవడం జరుగుతున్నది.
మూడవ వాక్యం ఇటువంటి పరిస్థితిలో ఇరుక్కుపోయి, విముక్తి కోసం, సాధకుడు తన నిస్సహాయతను వ్యక్తం చేస్తూ మొరపెట్టుకుంటున్న సందర్భం ఈ మూడవ వాక్యం.
మరొక ముఖ్య అంశం ఈ ప్రార్థనలో గమనించినట్లయితే, 'మేమింకనూ', 'మా', 'మమ్ము' అనే పదాలు గమనార్హాలు. ఈ ప్రార్థనలో ఎక్కడా భగవంతుని యాచిస్తున్న దాఖలాలు లేవు. కేవలం ఉన్న యదార్థాన్ని వారి ముందుంచడం జరుగుతోంది. అలాగే ఈ ప్రార్థన కేవలం వ్యక్తిగతంగా గాకుండగా అందరినీ కలుపుకుని చేసే ప్రార్థనగా ఉంది. పైన చెప్పిన పదాలే వీటికి నిదర్శనం. అంతేగాక ఈ 3 వ వాక్యం, ఆ సర్వశక్తిమంతుడైన పరమాత్మపై ఎంతగా ఆధారపడి ఉన్నామో అన్న వాస్తవాన్ని గుర్తించడం జరుగుతున్నది.
వెరసి ప్రేమతోనూ, భక్తితోనూ నిండిన హృదయంతో ఈ ప్రార్థన యొక్క భావాన్ని మనసులో ఉంచుకుని నివేదించినప్పుడు, హృదయం లోలోతుల్లో నుండి ఒక ఆర్తి పెల్లుబుకినప్పుడు భగవంతుని పట్ల ఒక అనూహ్య బాంధవ్యం ఏర్పడుతుంది; అనుబంధం ఏర్పడటం ప్రారంభిస్తుంది. శరణాగతి భావాన్ని కలుగజేస్తుంది.
ఈ విధంగా ప్రార్థన వల్ల మనలో నిస్స్వార్థ భావం, వినమ్ర భావం, శరణాగతి భావం, భక్తి భావం, వంటి ఉదాత్త భావాలు కలిగి మనలో జరుగవలసిన పరివర్తనకు ఎంతగానో దోహదం చేస్తుంది, ఈ ప్రార్థన.
Let us all use the prayer and get benefitted.
రిప్లయితొలగించండి