అమెరికలో విడుదలైన ప్రచురణ భారతదేశంలో విడుదలైన ప్రచురణ
స్పిరిచ్యువల్ అనాటమీ - భారత ప్రచురణ
(ఆధ్యాత్మిక శరీర నిర్మాణం)
స్పిరిచ్యువల్ అనాటమీ అన్న పేరుతో గురుదేవులు, హార్ట్ఫుల్నెస్ ఆధ్యాత్మిక మార్గదర్శి అయిన పూజ్య దాజీ (కమలేష్ పటేల్ గారు) 2016 జనవరి నెలలో ప్రారంభించి అకుంఠిత దీక్షతో ఆరు సంవత్సరాలపాటు తదేక దృష్టితో ఈ గ్రంథాన్ని రచించడం జరిగింది.
ఇది మొట్టమొదటగా అక్టోబర్ 2023 లో అమెరికాలో విడుదల చేయడం జరిగింది. ఇప్పుడు భారతదేశంలో ఫిబ్రవరి 2 న బసంత పంచమి సందర్భాన భారత ప్రచురణను విడుదల చేయడం జరిగింది. (ఈ రెండు చిత్రాలు పైన కనిపిస్తున్నాయి).
వీటిని www.hfnlife.com ద్వారా ఆర్డర్ చేసుకోవచ్చును.
ఆ తరువాత ఈ విషయంపై పూజ్య దాజీ అనేక ఇంటర్వ్యూలు, సంభాషణలు, ఆన్లైన్లో, బ్రూస్ లిప్టన్, దీపక్ చోప్రా, డోటీ, వంటి ఎందరెందరో మహాప్రముఖులతో చర్చలు ఈ గ్రంథాన్ని వ్రాయవలసిన అవసరాన్ని గురించి, దాని తాలూకు అనుభవాలను గురించి ఇత్యాదివెన్నో విషయాలను చర్చించడం జరిగింది. ఈ ప్రముఖులందరూ ఈ గ్రంథాన్ని అధ్యయనం చేసి అనేక ప్రశ్నలను, తమతమ అనుభవాలను ప్రేక్షకులతో పంచుకోవడం జరిగింది. అలాగే ప్రేక్షకుల ప్రశ్నలకు కూడా సమాధానాలివ్వడం జరిగింది. అన్నీ యూట్యూబ్ లో అందరికీ అందుబాటులో ఉన్నాయి; అందరూ వీలుచేసుకుని వీక్షించగలరు. ప్రతీ వీడియో ఎన్నో విషయాలను వెల్లడి చేస్తుంది. ఆధ్యాత్మిక జిజ్ఞాసను ఎంతగానో పెంచుతుంది; ఆధ్యాత్మిక తృష్ణను పెంచుతుంది; తద్వారా మన ధ్యానసాధన మరింత లోలోతుల్లోకి నిగూఢంగా తయారయ్యే అవకాశం ఉంటుంది.
ఈ గ్రంథంలో మెడిటేషన్, చక్రాలు, కేంద్రానికి చేసే యాత్రను గురించి ఆధ్యాత్మిక చరిత్రలోనే, బహుశా ఇంతకుముందెన్నడూ లేని విషయాలను, కేవలం అనుభవపూర్వకంగా మాత్రమే తెలుసుకోగలిగిన అంశాలను, సరళమైన మాటల్లో, ఒక చిన్న పిల్లవాడు చదివినా ఎంతో కొంత అర్థమయ్యే విధంగా, నిగూఢమైన విషయాలను మానవాళికి అందుబాటులోకి తీసుకువచ్చారు దాజీ. కేవలం హార్ట్ఫుల్నెస్ సహజమార్గ ధ్యాన సాధకులు మాత్రమే గాక,ఆధ్యాత్మిక జిజ్ఞాస, తపన గలవారందరూ తప్పక అధ్యయనం చేయవలసిన గ్రంథం.
ఇందులో కొన్ని ముఖ్య అంశాలను, అన్నీ ముఖ్యమే అయినప్పటికీ, కొన్నిటిని తదుపరి వ్యాసాల ద్వారా అధ్యయనం చేసే ప్రయత్నం చేద్దాం.
కామెంట్‌లు లేవు:
కామెంట్‌ను పోస్ట్ చేయండి