బాబూజీ - లాలాజీ గురించి - 3
వ్యక్తిత్వం
లాలాజీ క్రతువులకు విరుద్ధంగా ఉండేవారు. వితంతు వివాహాలను, ఆడపిల్లల చదువుకోవాలని ప్రోత్సహించేవారు. మరొకటి ఆయన బాగా ఇష్టపడే విషయం, తన సహచరుల పిల్లల్లో, వాళ్ళల్లో వాళ్ళు వివాహం చేసుకోవడాన్ని ఇష్టపడేవారు. కానీ వివాహం త్వరగా చేసుకోవడం గాని, ఆలస్యంగా చేసుకోవడం గాని వారికిష్టం ఉండేది కాదు.
ఆయనకు పనిచేసేవారు అందరూ వారి కుటుంబసభ్యుల్లాగే ఉండేవారు. వాళ్ళకు ఇవ్వవలసిన జీతాలు సమయానికి ఇచ్చేసేవారు. లాలాజీ ప్రకారం, సేవకులు అంటే యజమాని చేసుకోలేని పనులు చేయగలిగే సహాయకులు మాత్రమే, వాళ్ళను అటువంటి పనుల్లోనే వినియోగించుకోవాలి.
వాగ్దానాలను పట్టించుకోపోవడం, అనవసరంగా పండుగలకు, పబ్బాలకు స్తోమతకు మించి డబ్బు వృథాగా ఖర్చు పెట్టడం ఆయనకిష్టం ఉండేది కాదు. వెనుక నుండి కీడు చేసేవారికి ఆయన సానుభూతి ఉండేది కాదు. ఇందుకు విరుద్ధంగా బాగా చీవాట్లు పెట్టేవారు. "మిమ్మల్ని ఎవరూ గూఢచారులుగా ఉండమని నియమించలేదు" అంటూ మందలించి వెంటనే దారిలోకి తీసుకు వచ్చేవారు.
లాలాజీ వ్యక్తిత్వము, ఆయన జీవించే విధానము, ఆయన ప్రవర్తన చుట్టుప్రక్కలవారిని ఎంతగానో ఆకర్షించేవి; అందరూ ఆయనను ప్రేమించేవారు, అమితంగా గౌరవించేవారు. మొదట్లో కొంతమంది ఆచార్యులు ఆయన వద్దకు వచ్చేవారు; వాళ్ళు అనతికాలంలోనే పరివర్తన చెందేవారు. తమలో కలిగిన పరివర్తనను గమనించి, తమ వ్యక్తిత్వాల్లో సంభవించిన మార్పును గురించి తమ విద్యార్థులకు చెప్పడంతో లాలాజీ వద్దకు విద్యార్థులు ఎక్కువగా రావడం ప్రారంభించారు; వాళ్ళు కూడా అదే విధంగా పరివర్తన చెందేవారు.
ఆయన వద్దకు వచ్చినవారందరినీ సమూలంగా శుద్ధి చేసేవారు. అలా వ్యక్తి మనసు శుద్ధి అయిన తరువాత, అతని జీవితం తన సంస్కారాలే దారి చూపిస్తాయి. అనవసరమైన వ్యక్తికి ఉపదేశం ఇవ్వకూడదనేవారు; కానీ ఒకవేళ వస్తే, తిరిగి ఉపదేశం అందుకోకుండా వెళ్ళకూడదు అన్నది ఆయన సిద్ధాంతం. ఆయనను ఎవరైనా గురువు అని పిలిస్తే నచ్చేది కాదు. శిక్షణ విషయంలో తాను కేవలం ఒక ఆఫీసరు వద్ద బంట్రోతు వంటి వాడినని, జయాపజయాలతో సంబంధం లేకుండా దివ్యత్వం యొక్క ఆజ్ఞలను అమలు చేయడం వరకే తన పని అని భావించేవారు.
తన పనిని ఎప్పుడూ వాయిదా వేసేవారు కాదు, ఎంత అనారోగ్యంగా ఉన్నా కూడా.
హిందీ, సంస్కృత భాషలలో మంచి జ్ఞానం ఉండేదాయనకు. ఇంతకు ముందెప్పుడు తెలియని వేద రహస్యాలను వెల్లడించేవారు.
(సశేషం ... )
కామెంట్‌లు లేవు:
కామెంట్‌ను పోస్ట్ చేయండి