దేవర్షి నారద - భక్తికి ప్రమాణం

 

దేవర్షి నారద - భక్తికి ప్రమాణం   

Talk on Bhakti

(☝ భక్తిపై ప్రసంగం కోసం ఇక్కడ పైన క్లిక్ చేయగలరు)

*

బ్రహ్మర్షి విన్నాం, రాజర్షి విన్నాం. నారద మహర్షిని దేవర్షి అంటారు. మన పురాణేతిహాసాల్లో  భక్తికి ప్రామాణికంగా కనిపించే వ్యక్తి నారద మహర్షి. మన చలన చిత్రాల్లో చూపించినట్లుగా ఒక కామిక్ ఫిగర్ కాదు; కలహాలు పెట్టేవాడు కాదు. ఒకవేళ పెట్టినా ఆ కలహాలు లోకకళ్యాణం కోసమే ఉద్దేశించే ఉండేవి. 

నారద అనే పదానికి అర్థం ఇలా చెప్తారు: నారం దదాతి ఇతి నారద. నారం అంటే నరుడికిచ్చేది అంటే ఆత్మజ్ఞానం. ద అంటే ఇవ్వడం; నారద అంటే ఆత్మజ్ఞానం ప్రసాదించేవాడు, అని అర్థం. నారా అంటే నారాధర్మం, మానవ ధర్మం అని కూడా అర్థం ఉంది. అత్యున్నత మానవ ధర్మం ఆత్మజ్ఞానం. 

వేదవ్యాసునికి శ్రీమద్భాగవతం వ్రాయడానికి ప్రేరణ నారద మహర్షే. ప్రహ్లాదుడికి, ధ్రువుడికి, వాల్మీకి మహర్షికి ఆత్మజ్ఞానం ప్రసాదించినది నారడుడే. భగవంతునికి అతిప్రియమైనవాడు నారదుడు; నారాదుడునికి అతి ప్రియమైనవాడు భగవంతుడు, బాగవత ప్రియుడు. 

నారదుని వ్యక్తిత్వం: ఆయనను బ్రహ్మమానస పుత్రునిగా పురాణాలు చెప్తున్నాయి. అంతే కాదు, ఆయన గొప్ప ఆత్మ జ్ఞాని, భాగవత భక్తుడు, అందరి శ్రేయస్సు కోరేవాడు, అన్ని కళలూ తెలిసిన విద్వాంసుడు. ఆయనే వీణను కనిపెట్టారని చెప్తారు. భగవంతుడే స్వయంగా ఆయనకు వీణను ప్రదానం చేశారని కూడా చెప్తారు. ఆయన వీణ పేరు మహతి. 

ఆయనకు 14 లోకాలు సంచరించే వారం ఉంది. దేవతలే గాక, ఋషులు, మునులు, మహారాజులతో కూడిన మనుష్యలోకం, అసురులు, ఆశ్రమాలు అన్ని చోట్లా ఆయనను స్వాగతించేటువంటి వ్యక్తిత్వం వారిది. 

భక్తికి ప్రామాణిక గ్రంథాలు రెండే - నారద భక్తి సూత్రాలు, శాండిల్య భక్తి సూత్రాలు. కానీ నారద భక్తి సూత్రాలు చాలా ప్రసిద్ధి. 

ఈ గ్రంథంలో:

భక్తి దవభావం ఏమిటి? భక్తిని పెంపొందించుకోవడం ఎలా? భక్తిని చాటే లక్షణాలేమిటి? భక్తిని అలవరచుకోవడానికి చెయ్యవలసిన సాధనలేమిటి? భక్తి మార్గంలో కలిగే అవరోధాలేమిటి? వాటిని యే విధంగా అధిగమించాలి? భక్తిలో వివిధ స్థాయిలేమిటి? మన హృదయంలో భక్తి జాగృతమయ్యిందా, లేదా అనేది ఎలా తెలుస్తుంది? భక్తి హృదయంలోకి ప్రవేశించకుండా ఆపేది యేది? ఏమి జాగ్రత్తలు తీసుకోవాలి? హెచ్చరికాలేమిటి? నేను భక్తి మార్గంలో ఉన్నా కూడా నేనెందుకు పురోగతి చెందడం లేదు? భక్తి ఎంతో ముఖ్యమైనదిగానూ, అలాగే అదే సమయంలో తేలికైనదిగానూ   ఎలా ఉంది? తక్కిన సాధనాలతో పోలిస్తే భక్తి సాధన ఎందుకని అంతా తేలిక? భక్తి లేకుండా ఇతర సాధనా పద్ధతులు సరైన ఫలితాలు ఎందుకని ఇవ్వవు? భక్తి అలవరచుకోవడం వల్ల ప్రయోజనాలేమిటి? 

పైన చెప్పిన ఈ అంశాలన్నీ ఈ గ్రంథంలో విస్తారంగా చర్చించడం జరిగింది. త్రికరణ శుద్ధిగా ఆధ్యాత్మిక సాధన చేసే సాధకులందరూ తప్పనిసరిగా అధ్యయనం చెయ్యవలసిన నిగూఢ ఆధ్యాత్మిక గ్రంథం - నారద భక్తి సూత్రాలు. 

Narada Bhakti Sutra (Book)