నైతికత లేనిదే ఆధ్యాత్మికత నిలవదు

 

విలువలతో కూడిన ఆధ్యాత్మిక దిగ్గజం, స్వామి వివేకానంద 

నైతికత లేనిదే ఆధ్యాత్మికత నిలవదు  

నైతిక విలువలు లేనిదే సౌశీల్యం అసాధ్యం. సౌశీల్యం లేనిదే ఆధ్యాత్మిక ప్రగతి నిష్ప్రయోజనమవుతుంది. 

నైతిక విలువలు ఎలా అలవడతాయి?

ప్రధానంగా అలవరచుకోవాలన్న సంకల్పం వల్ల అలవడతాయి. ఆ తరువాత

పుట్టుకతో కొంత గత జన్మ సంస్కారాల వల్ల, కుటుంబ సంస్కృతి వల్ల , పెరిగే వాతావరణం వల్ల, సజ్జనుల సాంగత్యం వల్ల, విద్యాభ్యాసం వల్ల, ఆశయాల వల్ల, జ్ఞానం వల్ల, ధ్యానం వల్ల విలువలు మనిషిలో పెంపొందుతాయి. 

విలువలతో కూడిన జీవితం అందరి హృదయంలో ఉన్న అంతర్యామి యొక్క వెలుగును బయటకు ప్రసరించేలా చేస్తుంది.

 

లాంతరు ఉపమానం 

లాంతరులో దీపం వెలుగు బయటకు రావాలంటే చిమ్నీ యే విధంగా మసి లేకుండా శుభ్రంగా  ఉండాలో, అలాగే బాహ్య జీవనం లోపలి ఆధ్యాత్మిక ప్రగతికి తగినట్లుగా విలువలతో కూడి ఉండటం వల్ల సాధ్యపడుతుంది. 

విలువలతో జీవనం అనేది నిర్విరామంగా కొనసాగవలసిన ప్రయత్నం. ప్రయత్నపూర్వకంగా కొనసాగవలసిన ప్రక్రియ.