గీతాహృదయం 2 - బాబూజీ చెప్పిన 7 శ్లోకాలు

 బాబూజీ చెప్పిన 7 శ్లోకాలు, పూజ్య  దాజీ  ద్వారా  వెల్లడియైన 7 శ్లోకాలు 7 రత్నాలు:

 శ్లోకం  1

ప్రజాహాతి  యదాకామాన్ సర్వాన్  పార్థ  మనోగతాన్

ఆత్మన్యేవాత్మనాతుష్ఠః స్థితప్రజ్ఞస్తదోచ్యతే.  //2:55//

ఓ పార్థా, మనసులో ఉద్భవించే కోరికలన్నిటినీ  ఎవరైతే త్యజిస్తాడో, ఆత్మసంతృప్తి కలిగి ఉంటాడో, ఆత్మలో సంతుష్ఠుడై అంతరంగంలో స్థిరంగా ఉంటాడో అటువంటి  వ్యక్తిని స్థితప్రజ్ఞుడని అంటారు.

 శ్లోకం 2

ధ్యాయతో  విషయాంపుంసః సంగస్తేషూపజాయతే

సంగాత్సంజాయతే  కామః కామాత్ క్రోధోపిజాయతే. //2:62//

ఇంద్రియాలపైనే  దృష్టిని  సారించినవాడు  వాటికి  ఆకర్షితుడవుతాడు. ఆ ఆకర్షణ 

 

నుండి  కోరిక  పుడుతుంది; కోరిక  నుండే  కోపం పుడుతుంది. 

శ్లోకం 3

క్రోదాద్భవతి  సమ్మోహః సమ్మోహాత్  స్మృతివిభ్రమః 

స్మృతిభ్రంశాత్ బుద్ధినాశో బుద్ధినాశాత్ప్రణశ్యతి. //2:63//

కోపం మనసును గందరగోళానికి గురి చేసి భ్రమకు లోనవుతుంది; ఫలితంగా జ్ఞాపక

 శక్తి నశిస్తుంది, బుద్ధి నశిస్తుంది. బుద్ధి నాశనమవడంతో మనిషి

 అథోగతిపాలవుతాడు. 

 శ్లోకం 4

రాగద్వేష వియుక్తైస్తు విషయాన్ ఇంద్రియైః  చరన్ 

యైఃఆత్మవశైః విధేయాత్మా విధేయాత్మాప్రసాదమధిగచ్ఛతి. //2:64//

మనసును అదుపులో ఉంచుకున్నవాడు రాగద్వేషాల  (ఇష్టాయిష్టాల)నుండి

 ఇంద్రియములతో వస్తువులను వినియోగిస్తున్నప్పటికీ వాటి నుండి

 విముక్తుడవుతాడు;భగవదనుగ్రహాన్ని పొందుతున్నాడు.

 శ్లోకం 5

నాస్తి  బుద్ధిరుక్తస్య న చా యుక్తస్య భావనా

భావనాన చా  భావయతః శాంతిరశాంతస్య కుతః సుఖమ్. //2:66//

సామరస్యం లేనిదే మనిషికి విజ్ఞత ఉండదు; సామరస్యం లేకుండా ధ్యానం

 కుదరదు; ధ్యానించకుండా శాంతి  రాదు. మనశ్శాంతి లేనప్పుడు మనిషికి

 సంతోషం ఎక్కడుంటుంది?

  శ్లోకం 6

శ్రేయాన్ స్వధర్మో  విగుణః పరధర్మాస్త్వనుష్ఠితాత్ 

స్వధర్మే  నిధనం  శ్రేయః పరధర్మో  భయావహః //3:35//

పరధర్మాన్ని  ఎంతబాగా  నిర్వర్తించినప్పటికీ గుణము  లేనిదైనా  స్వధర్మమే 

మేలు; పరధర్మాన్ని  నిర్వహించడం  కంటే  కూడా స్వధర్మం ఆచరిస్తూ మృత్యువు

  సంభవించినా  మంచిదే.  

క్లుప్తంగా  చెప్పలంటే, “నీ  పని  నువ్వు  చూసుకో” అని అనుండేవారు  బాబూజీ.

 శ్లోకం 7

నకర్మణామనారంభా న్నైష్కర్మ్యం పురుషోశ్నుతే 

న చ సన్నన్యసనాదేవ సిద్ధిం  సమాధిగచ్ఛతి. //3:04//

కర్మ చేయకుండా ఉండటం వల్ల మనిషికి కర్మ నుండి విముక్తి కలగదు. కేవలం

 కర్మ పరిత్యాగం వల్ల పరిపూర్ణతను సాధించడం  కుదరదు. 

(సశేషం)