హార్ట్ఫుల్నెస్ - సహజ్ మార్గ్ - సంస్కారాలు -2
మనకి (మన అహానికి) , మనలో ఉన్న అంతర్యామికి మధ్య అడ్డుగోడలుగా, అవరోధాలుగా ఉండి అంతర్యామితో సంపర్కం లేకుండా చేసేవి -
1) ఈ సంస్కారాలు/కర్మలు/వాసనలు లేక జటిలతత్త్వాలు(సంక్లిష్టతలు), అశుద్ధాలు(మలినాలు),
2) కోరికలు,
3) అహం.
మన శాస్త్రాల ప్రకారం కర్మలు 3 రకాలు - సంచిత, ప్రారబ్ధ, ఆగామి కర్మలు.
ప్రారబ్ధం: ప్రారబ్ధ కర్మ అంటే సంచిత కరమలోని కొంత భాగాన్ని ఈ జన్మలో అనుభవించడం. అంటే వదిలేసిన బాణం అన్నమాట. వెనక్కి తీసుకోటానికి ఉండదు. అనుభవించవలసిందే.
సంచితం: ఈ జన్మలోనే గాక, పూర్వ జన్మల్లో గతంలో మన చేతల ద్వారా, మన ఆలోచనల ద్వారా మట్టం మనం చేసిన కర్మల భాండాగారం. అంటే అమ్ములపొదిలో ఉన్న బాణాలన్నమాట. ఇవి మనలో బీజరూపంలో మన ఊక్ష్మ శరీరాల్లో స్థితమై ఉంటాయట. వీటిని హార్ట్ఫుల్నెస్ ధ్యాన పద్ధతి ద్వారా ప్రాణాయాహుతి సహాయంతో దగ్ధం చేయడం జరుగుతుంది. బీజ్ దగ్ధ్ అంటారు బాబూజీ. అందుకే అభ్యాసయి సహకరిస్తే ఒకే జన్మలో మోక్షం కలిగే అవకాశం.
ఆగామి: ఆగామి కర్మ అంటే చేతిలో ఉన్న బాణం, మనం భవిష్యత్తులో అనుభవించవలసిన కర్మలు. చేతిలో ఉన్న బాణాన్ని నాశనం చేసే అవకాశం ఉంది.
ఈ 3 రకాల కర్మలు సంపూర్ణంగా నశిస్తే గాని ఆత్మకు మోక్షం ఉండదు - సంచిత కర్మ ప్రాణాహుతి ద్వారా నాశిస్తుంది; ప్రారబ్ధ కర్మ అనుభవించడం ద్వారా నశిస్తుంది; ఆగామి కర్మ ఇంకా అమలు గాకుండాగానే నాశనం అయ్యే అవకాశం ఉంది. అటువంటి జీవన విధానమే హార్ట్ఫుల్నెస్ - సహజ్ మార్గ్ జీవన విధానం.
యోగదర్శనం ప్రకారం 3 రకాల అవరోధాలున్నాయి - మల, విక్షేప, ఆవరణలు. ఇవి మనం ఏర్పరచుకునే, ఇప్పటికే ఏర్పరచుకున్న అవరోధాలు.
మల (అశుద్ధం): కామ క్రోధ ఇత్యాది అరిషడ్వర్గాల వల్ల, ఇతర వాసనల వల్ల మనసు, హృదయము మలినమైపోవడం.
విక్షేప: మనసు అస్థిరంగా ఉండటం, ఒక ఆలోచన నుండి మరో ఆలోచనకు దూకడం, చంచలంగా ఉండే తత్త్వం. రజో గుణం వల్ల కలిగే ఫలితం. ధారణ-ధ్యానాదులకు మనసు అవరోధంగా మారడం, బాహ్య వస్తువుల వెంటపడటం.
ఆవరణ: అంటే అతి సూక్ష్మమైన, అతి లోతైన అవరోధం, ఆత్మను ఆవరించిన ఆవిద్యా, అజ్ఞానం, అతి సూక్ష్మమైన పొర. బంధానికి మూల కారణం. తమో గుణం వల్ల జనించినది. ఆవరణాలను తొలగించడం అతి కఠినం. మనసు ప్రశాంతంగా తయారైనప్పటికీ కూడా, ఆత్మ సాక్షాత్కారానికి అడ్డు పడుతుంది. ఈ ఆవరణలను సమర్థుడైన గురువు మాత్రమే, ప్రాణాహుతి శక్తిని ప్రసరించ గల గురువు మాత్రమే తొలగించగలడు.
కామెంట్‌లు లేవు:
కామెంట్‌ను పోస్ట్ చేయండి