హార్ట్ ఫుల్ నెస్ సహజమార్గ ధ్యాన పద్ధతి, రెండు ప్రధాన అంశాల వల్ల విశిష్ఠతను సంతరిచుకుంటుంది.
1. యౌగిక ప్రాణాహుతి, ఆంగ్లంలో ట్రాన్స్ మిషన్ అంటారు, అంటే ఇది ఒక దివ్యశక్తి ప్రసరణ: ఉత్కృష్ట యోగస్థితిలో ఉన్న గురువు ద్వారా ఈ శక్తి ప్రసరణ సాధకుడి హృదయంలోకి ప్రసరించడం జరుగుతుంది. దీని వల్ల సాధకుడి ఆధ్యాత్మిక ప్రగతికి అవరోధాలుగా నిలుస్తున్న సంస్కారాలను/వాసనలను/కర్మలను/ప్రవృత్తులను తేలికగా సమూలంగా తొలగించడం జరుగుతుంది. కావున ఆధ్యాత్మిక ప్రగతి త్వరితంగా జరుగుతుంది.
2. శుద్ధీకరణ, ఆంగ్లంలో క్లీనింగ్: ఈ ప్రక్రియ ద్వారా మన ఆధ్యాత్మిక ఎదుగుదలకు అడ్డు పడుతున్న మన హృదయం లో పేరుకుపోయిన సంస్కారాలను ఏ రోజుకారోజు తొలగించుకొనే ప్రక్రియ. దీని వల్ల వత్తిళ్ళు తగ్గడం, ధ్యాన లోతులు పెరగడం, హృదయంలో ఉన్న బరువు తగ్గి తేలికదనాన్ని వెనువెంటనే అనుభూతి చెందగలగడం జరుగుతుంది.
ఈ రెండు అంశాలు మరే ఇతర యౌగిక పద్ధతుల్లో కనిపించవు.
కామెంట్‌లు లేవు:
కామెంట్‌ను పోస్ట్ చేయండి